Қазіргі заманғы музей келбеті: муза мекенінен - Диснейлендке

Аннотация

ХХІ ғасырдың екінші он жылдығындағы әлеуметтік-мәдени парадигмалардың шеңберінде заманауи адам көбінесе бұқаралық ақпарат құралдары мәдениетінің тұтынушысы ретінде сипатталады. «Қазіргі-кешегі» дискурсының қарқынды ауысуы құбылысында ол хронологиялық толқын жағдайымен қайшылықты қатынаста: қазіргінің тез ауысуы соншалық, кешегі орын алған сансыз ақпараттық оқиғалар бүгін мүлдем маңызын жоғалтып отырады. Постмодернистік сана қисынындағы қазіргі өткеннен туындамайды және болашақпен етене жалғасып кетеді, ал айталық, 30-40 жылдай ертеректегі тарихи оқиғалар жас ұрпақтың түйсігінде «біздің заманымызға дейінгі» секілді болып көрініс табады. Бірақ, өз тарихын ұмыту неге әкеліп соғады, бұл белгілі жәйт, соған орай, өткен кезеңдегі музей ісін жаңаша қарқынмен жаңғыртып, оның жаңа мәдени толқынға ілесу әлеуетін, заманға сай маңызын арттыру мәселесін қарастыру қажет.
Түйін сөздер: мәдениет, заманауи адам, музей, тарих, жас ұрпақ.