Қазақстандық жалпы ұлттық идеяның мәні мен мазмұны
Аннотация
Бұл мақалада Қазақстанның жалпыұлттық (мемлекеттік) идеясының қалыптасуының мəселелері мен кейбір ғылыми аспектілері қарастырылған. Қазақстанның жалпыұлттық (мемлекеттік) идеясының мазмұны мен мəнін анықтау үшін авторлар отандық ғалымдардың түрлі пікірлерін талдады. Жалпыұлттық идеяны қалыптастыру мемлекетте маңызды орын алатындығы, оның бүгінгі саясаттану ғылымындағы ең қызу талқыланатын тақырып екендігі қарастырылған. Мемлекеттік идеяны қалыптастыру міндеті Қазақстан сияқты көпэтносты мемлекетте өзекті екендігі айқындалады. Қазақстан Республикасындағы түрлі этноəлеуметтік топтардың ерекшеліктері мен мүдделерін ескеретін мемлекеттік саясат арқылы ғана қалыптастырып, дамытуымызға болатындығы айтылады. Түйін сөздер: жалпыұлттық идея, мемлекеттік идея, мемлекеттік саясат, ұлтаралық келісім, идеология.
