Қазіргі жаһанданған əлемдегі Исламның əлеуметтік жəне моральды-этикалық негіздері

Аңдатпа

Мақалада Ислам дінінің этикалық-моралдық əрі əлеуметтік теориялары қарастырылады. Сондай-ақ Қазақстандағы қазіргі Исламның жағдайы, өзіне тəн діни төзімділік ерекшелігі, əлемнің əр тұсында кездесіп отырған оған жат экстремистік немесе радикалды құбылыстар сөз болады. Тарихи жағдайлар негізінде Қазақстандағы Ислам өзге конфессия өкілдерімен ынтымақтастық орнатты. Республикамыздағы əрі шетелдердегі конфессия өкілдерімен арадағы ынтымақтастық еліміздегі мұсылман қоғамының ішкі жəне сыртқы стратегиялық бағыты болып қала бермек.