Ислам жүйесінде бала тәрбиесінің орны

Аңдатпа

Мақалада ислам дініндегі тәрбие жүйесі, әсіресе бала тәрбиесінің орны, бала тәрбиесінің нәзік тұстары, балаға жеткілікті көңіл бөлуде Мұхаммед пайғамбардың өзіндік тәжірибесі, бала тәрбиесінің мұсылмандық негіздері жан-жақты қарастырылады. Атап айтқанда, Мұхаммед пайғамбардың балаларға қалай көңіл бөлгені, тәрбиеге үлкен жауапкершілікпен қарағаны, баланы тәрбиелеу үшін мейірімділік таныту, жақсы көру, ақылмен еркелету, көңіл бөліп ойнату, адал несібемен бағып-қағу, ұл-қыз деп алаламау, ешқашан алдамау, берген уәдені орындау ұстанымдары айқындалады. Бұған қоса, әр қылығына түсіністікпен қарау, жынысына сай тәрбие беру, денесін шымырлыққа шынықтыру, жастайынан иман негіздерін сіңіру, ата-ана ретінде отбасында жақсы өнеге көрсетіп, нашар қылықтарға жуытпау, баланы жастайынан тазалыққа, адамгершілікке, ізгілікке, мұсылмандық әдептілікке баулу мәселелері тілге тиек етіледі.
Түйін сөздер: бала тәрбиесі, ислам, Мұхаммед, мұсылмандық.