Театр өнеріндегі сахна тілінің игерілу мәселелері

Аңдатпа

Тамыры тереңде жатқан театр өнері, көптеген даму мен өркендеу белестерін бастан кешіріп, бұл күні қанатын кең жайған. Ұлттар мен ұлыстардың рухани азығына айналды. Оның, қазақ жерінде де өз тарихы мен орны бар. Қазақ халқының мәдени тарихынан маңызды орын алатын сан ғасырлық рухани қазынасын саралап, зерттеу ең алғашқы кезекте тұрған мәселелердің бірі. Зерттеуді өз тарихынан бастау ғылым жетістіктерін игерумен қатар оның одан әрі ілгерілеуіне үлкен мүмкіндік туғызады. Дәл осы пікірдің қазақ театр өнеріне де қатысы бар екені сөзсіз. Театр өнері драматургиясыз ілгері баспайды. Өйткені бүгінгі таңдағы қазақ театр өнері халқымыздың мәдени өмірінің ажырамас бір бөлігіне айналып, өз кезеңінің тарихи, саяси, мәдени, әлеуметтік, танымдық сияқты мәселелерді шешуге белсенді қатысуда.